परिचय

नेपालमा औद्योगिकीकरणमार्फत देश विकास गर्ने लक्ष्यले उद्योगलार्इ आवश्यक पर्ने भौतिक पूर्वाधारहरू जस्तै जमिन, भवन, सडक, ढल, विद्युत, पानी आदि एकै स्थानमा उपलब्ध गराउन वि.सं. 2016 सालमा बालाजुमा औद्योगिक क्षेत्र स्थापना भए पश्चात देशका विभिन्न स्थानमा यस्ता क्षेत्र स्थापना गर्ने सिलसिलामा ललितपुर जिल्लाको लगनखेलमा मित्रराष्ट्र भारतको आर्थिक सहयोगमा वि.सं. 2019 साल आषाढ 7 गते शिलान्यास भर्इ 2020 साल मंसीर 12 गते यो क्षेत्र स्थापना भएको हो । ललितपुर जिल्ला नेपाली कला र संस्कृतिमा आधारित उद्योगहरू जस्तै तामा, पित्तल, ढलोट, ढुङ्गा, काठ आदिको मूर्ति, कार्भिङ्ग तथा अन्य सामान उत्पादन हुने स्थानको रूपमा परिचित रहेको सन्दर्भमा यस यसको संरक्षण र सम्बर्द्धन गर्दै अन्य उद्योगको पनि प्रबर्द्धन गर्ने उद्देश्यले यसको स्थापना भएको हो ।

यो क्षेत्र ललितपुर महानगरपालिकाको वडा नं. 6 र 15 मा अवस्थित रहेको र 293 रोपनी जमिन क्षेत्रफलमा फैलिएको छ । क्षेत्रको मुख्य विषेशता स्वदेशी कच्चा पदार्थ, शीप र श्रममा आधारित पराम्परागत हस्तकला लघु,घरेलु उद्योग र आधुनिक प्रविधिमा आधारितसाना उद्योगहरूको सम्मिश्रण हो।

संक्षेपमा

नामः पाटन औद्योगिक क्षेत्र